2021: 8-12 urtekoentzat liburu berriak

El último minuto / Bárbara Montes Peña, Juan Gómez-Jurado
Desde que heredó sus poderes, Amanda no ha tenido ni un momento de descanso: entrenos, deberes, misiones... Pero todo está a punto de cambiar, porque por primera vez ha decidido tomarse el día libre para asistir al baile del instituto. Sin embargo, las cosas nunca son como una quiere. La mañana del baile, la tía Paula le encomienda a Amanda una misión: evitar que una importante tablilla sumeria que lleva años desaparecida caiga en las manos equivocadas.
Itsasoaren inbentarioa / Virginie Aladjidi, Emmanuelle Tchoukriel.
100 bat animalia eta landare biltzen ditu itsasoko biodibertsitate aberatsa osatzen duten espezie guztien artetik. Horietako batzuk galzorian daude, hala nola zerra-arraina eta hegalaburra. Krustazeoak, moluskuak, arrainak, ugaztunak eta bestelako espezieak aurkituko dituzu gida xume eta praktiko honetan, zeina, zehatza eta teknikoa ez izanagatik ere, material interesgarria baita ekosistema ezezagun honen gainean ikasteko eta kontsultak egiteko.
Mundua ulertzeko ipuinak / Eloy Moreno
Urte hauetan irakurleek hainbeste eman didazue ezen zorretan sentitzen bainintzen zuekin. Horregatik erabaki dut ni naizenaren parte bat oparitzea zuei. Hemengo testu hauek moldatu dute nire izateko modua. Antzinako ipuinak dira, ia galduak, eta gaur egungo denboretara egokitu nahi izan ditut. Egoerak aldatu ditut, pertsonaiak, hizkera... Baina muina, mamia, betikoa da: mundua ulertzen laguntzen digun hori.
Onin eta denboraren makina / Ibon Martín ; ilustrazioak, Emmanuel Montiel
Kaixo! Onin naiz, eta oraingoan gauza harrigarri bat kontatu behar dizut. Ez duzu sinetsiko: denboran bidaiatu genuen! Batzuetan, txango bat sekulako odisea bilaka daiteke. Makinista txoro baten eta haren lokomotor zaharraren erruz, Erdi Aroan agertu ginen. A ze sustoa! Jakin nahi duzu nola lortu genuen Oialdeko Alain gaiztoari ihes egitea eta orainaldira itzultzea?
El número 1 / Jeff Kinney
Greg Heffley y los deportes no encajan. Pero cuando todo esté en juego y la pelota esté en las manos de Greg, ¿estará a la altura de las circunstancias? ¿O tirará la toalla antes de tiempo?
Donostian elefanteak ikusi zirenekoa / Anjel Lertxundi
Alkateak minez lehertu beharrean zeukan burua. Bulegoko leihoa ireki eta bertako terrazara irten zen. Alkateak ezin zuen sinetsi begien bistan zeukana: Alderdi Eder, hiriko parkerik ederrenetako bat, neurri, mota eta piura guztietako elefantez beterik zegoen. Ikusi berri zituenak elefanteak ziren, ez zeukan inolako zalantzarik. Alkatea ez zegoen edanda, oso pertsona serioa zen, gutxitan tronpatzen zen, osasun ona zeukan. Orduan? Zer gertatzen ari zen bere kargu zeukan hiri maitean?
Ez apuratu / Inazio Mujika Iraola
Amonak ez daki zer diren dilistak, lentejak esaten du; ilbeltza deitzen dio urtarrilari; ondo zegoenean, eskribitu egiten zituen dendan erosi behar zituen gauzak paper-mutur batean, eta ulertu ez baina entenditu egiten zituen nire arazoak.
Ur eta Lur / Yolanda Larreategui
Ausardiaz beterik, motxila lepoan hartu eta bere bizitzako ametsa egia bihurtzeko erabakia hartuko du Lur apoak. Bidean, Ur igela ezagutuko du, pertsonaia arraro bezain maitagarria, eta bien artean sortutako adiskidetasunari eta elkarlanari esker lortuko dute beren ametsak betetzea. Eta, zuk? Ba al daukazu ametsik?
Amonarenean Kea / Ana Ibañez Elosua, Dani Martirena Indart
Haurtzaroaren gozotasuna, amonaren etxeko epeltasuna, oroimena eta memoria uztartzen dira Liburu Iletsuak zigilupean autoekoiztutako Ana Ibañez ilustratzailearen eta Dani Martirena kazetari eta idazlearen lan berrian. Ale bat ere gehitu nahi izan diote bildumari, izan ere, helduei zuzendu eta irakurketa partekatu baterako parada eskaintzen duen bigarren kontakizun bat gehitu dute akaberan, 36ko gerrako samina gogora ekartzen duen errelatoa.
Hanielleren txalupa / [testuarena] Emilia Arias Domínguez ; [ilustrazioena] Cintia Martín
Haniellek bere etxea utzi eta itsasoz bidaia arriskutsu bati ekin behar dio bere amarekin eta ezezagun mordo batekin batera. Bidaiatzen duten txalupa txikia da, ezegonkorra, eta ia ez daramate ez janaririk, ez edaririk. Zailtasun ugari gainditu ondoren, portura iristean, Hanielle ia pozik sentitzen da, nahiz eta zalantza batek kezkatzen jarraitzen duen: Hemen jolastu nahiko al dute nirekin?
Zaindu dezagun gure planeta / Katie Daynes
Lurra da gure planeta bakarra, baina orain arte ez dugu oso ondo zaindu. Ireki liburua, altxatu leihatilak eta ikusi zer ez doan ondo eta nola konpon ditzakegun gauzak: egin aukera ekologikoak, murriztu eta berrerabili, erabilera bakarreko plastikorik ez, zaindu erleak, bildu zaborra, erosi tokikoa...
Enigmak : jo erronka zeure buruari zientzietako 25 enigmaren bidez / Víctor Escandell
Ba al zenekien burmuinak, gainerako gorputz-atalek bezala, trebakuntza behar duela? Enigma hauek ebazteak lanean jarriko dizu gogoa. Izan zaitez jakinguratsua, egin galderak, bilatu erantzunak, probatu eta frogatu… Zientzialarien gisa jokatu! Aurkeztutako egoera «misteriotsu» guztiak liburuaren amaieran azaltzen diren printzipioetan oinarritzen dira. Horiekin batera, zenbait esperimentu ere proposatzen dizkizugu, jostagarriak dudarik gabe.
Dinosauroak / Natacha Scheidhauer-Fradin
Dinosauroak aparteko izakiak dira. Liburu honetan, dinosauroek izan zuten bilakaera ezagutuko duzu, ehizatzen eta beren burua etsaiengandik babestenikusiko dituzu, eta haien lehengusuak ezagutuko dituzu: itsasoko narrastiak edo narrasti hegalariak. Pikotxa eta eskuila hartuta, lagundu paleontologoeidesagertutako espezie horiek bilatzen. Aurkitu dinosauroen unibertsoa jolasliburu honen laguntzarekin.
Lurra pop-up / testua Anne Jankeliowitch; ilustrazioak Anabelle Buxton
Ireki liburua eta barnera zaitez gure planetaren edertasunean! Ikusi Lurra nola sortu zen, zer metamorfosi izan duen eta ingurumenak gaur egun zer erronka dituen; guztia ikuspegi original batekin.